Plantun de Prouvènço

Pèr coumpara dos planto d'encò nostre

Myosotis discolor & Calepina irregularis

Te-vese-e-t'ame(-di-dos-coulour)

Myosotis discolor

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis bicolore, Myosotis de deux couleurs.

Descripcioun :
Aquéu te-vese-e-t'ame, coume lou dis soun noum, a de flour de dos coulour, jauno pièi bluio. Es uno planto pas trop coumuno que trachis dins li pelouso sablouso bagnado l'ivèr. Isto uno meno proche que ié dison lou te-vese-e-t'ame-doutous, Myosotis dubia, que vèn dins li mémi relarg, que fai de flour d'abord blanco, pu pichoto e que la cambo, pu grando elo, a pas jamai li fuio d'en aut "óupousado".

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 3 à 30 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 3 à 4 mm
Flourido : Printems

Sòu : Si
Autour basso e auto : 0 à 1200 m
Aparado : Noun
Mars à jun

Liò : Pelouso - Sablo - Ermas
Estànci : Termoumediterran à Mountagnard
Couroulougi : Paleoutemperado
Ref. sc. : Myosotis discolor Pers., 1797

Calepino

Calepina irregularis

Brassicaceae Cruciferae

Noms en français : Calépine, Calépine irrégulière.

Descripcioun :
La calepino es uno erbo que i'agrado lis endré umide, èi pèr acò que s'atrobo pas d'en pertout au nostre. Se recounèis majamen à si fru (siliculo) qu'an uno pichoto gibo sus lou dessubre. Peréu la planto a ges de péu e se poudèn vèire dos meno de fueio. Li basalo soun divisado alor que li de la cambo embrasson la tijo emé dos pichòti auriheto (fotò).

Usanço :
Es uno erbo manjadisso qu'a lou goust de nabet.

Port : Erbo
Taio : 10 à 50 (80) cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Calepina
Famiho : Brassicaceae
Famiho classico : Cruciferae

Coulour de la flour : Blanco
Petalo : 4
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Prado umido - Camin - Champ
Estànci : Termoumediterran à Mountagnard
Couroulougi : Pancaro entresigna
Ref. sc. : Calepina irregularis (Asso) Thell., 1905

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Myosotis discolor & Calepina irregularis

ges

Coumpara Te-vese-e-t'ame(-di-dos-coulour) emé uno autro planto

Coumpara Calepino emé uno autro planto